I'm Syrian

 يخصوص شهادة الفيس بوك يرجى الحذر, يرجى القراءة #syria

الشهادة المزورة على الشمال , الشهادة الأصلية على اليمين
يلي صار , بتمام الساعة 8 ونص تقريبا بلشت وزارة الإتصالات بإستبدال الشهادة الأصلية تبع الفيس بوك يلي عن طريقها بتم تشفير الإتصال بينك و بين الفيس بوك .. وإستبدلوها بشهادة شغل إيدهم , يعني هون مانها موقعة رقميا من المصدر الأصلي يلي هو بوزع شهادات على مواقع الكرة الأرضية كلها , فالبراوزر متل ما شفتو صار يجحش و يقلك إنو في مشكلة و الإتصال غير اّمن
كانو بيقدرو عن طريق هالعملية إنو مو بس يسرقو معلوماتك , كمان يسرقو كلمة سرك يعني ببساطة صرت إنت وحسابك كلك عندهم
لذلك انتبهو كتير منيح .. لما تفتحو حساباتكن .. وللتأكد من الشهادة تبعكن
بالفاير فوكس بتكبس
Tools-> Page Info
then press the security tab
then click on view certificate

المفروض تكون مأصدرة من من هالموقع:
http://www.digicert.com/welcome/who-uses-digicert.htm
أي شي تاني في مشكلة.

الحل انو وقت المتصفح تبعك ينصدم بالشهادة و يبلش يحتج بتقلو ما يعمل استثناء و ما يكمل للصفحة بعدين بتستعمل شي متل اليولتراسيرف أو تور أو هوتسبوت أو… هاد أسهل حل.
ليلي عمل استثناء:
Tools -> Options -> Advanced -> Encryption -> View Certificates -> Servers
هون بتلاقي المفروض الاستثناء و بتمحيه

من اجل زيادة الحيطة. . يُفضل استخدام برنامج التور

https://www.torproject.org/download/download.html.en